O štarberšengoro Miloš, phravde mueja thaj apetitea premal o peko mačho an i tava , kompirencar thaj bizi roj, si raritetno egzamplo taro but čorole thaj bokhale tikne romane čhave ani Slovakia.
“O čhave kate si čale thaj nane problemia” vakerl i direktora tari gradinka i Ana Klepačova, dikhibaja sar o tikne čhave hana plo hajbe.
O tikno Milioš si jekh taro šel čhave so džana an i gradinka a si čorole Roma so aven tari romani mahala Lunik IX, urbano mulan ko dujto ko niče bari diz an i Slovakia – Košice, so pobuter si sar čorolo kavrto a ana them so si ki eurozona.
A odothar isi tikne šanse te iranen pe o bukja palo agor akaleberšeskoro elektrorati ko mart.
Gunoja ko sako than ko kvarti taro tipično komunistikane apartmania so nane fundavno šartia dživdipaske, bizi elektrika, gas thaj pani pijbaske soske nane pukjime o borčia, a si čhinavde angleder jekh decenia.
O thanjaripa si normalno buti kote ko odova kavrto si gurime 6.000 Roma kote ko normalno adekvatno šartia šaj dživdinen salde jekvaš olendar.
