O ofto beršengoro Sander Horvat si tari romani mahala Kamenci – Murska Sobota an i Slovenia. Ov si sar sa o aver čhavore , numa oleskere afinitetia premal o sporti si bare. Ov angleder duj berša startujngja te trenirinel karate , a plo talento sikavgja le kana reslja pobut medalje an i nacionalno konkurencia ki majterni kategoria.
Ko starti taro masek mart 2016 berš an i Austria ko Europakoro šampionati an i kategoria karatistia telel 10 berša, lelja somnakaeskiri medalja thaj ulo o majterno romano europakoro šampioni ko karate.
Ov ki pli konkurencia sine majšukar thaj lokheste ali dži ki tutula Europakoro šampioni.
Numa akate o tikno Sander na čhinavgja. Ko 23 thaj 24 april 2016 berš, gelo ko Lumiakoro kupi an i Sofia, Bugaria thaj an i kategoria kata an i konkurencia taro karatistia telel 10 berša baripa lelja o srebreno (rupuno) medalji thaj ulo vicešampioni an i lumia.
Sar so korkro o tikno Sander vakerela kaj oleskoro idoli si i filmsko akciono čeren Žan Klod Van Dam
Link: http://sobotainfo.com/novica/sport/romski-evropski-prvak-sander-horvat-osvaja-evropo/119219
