E Europakiri Unia na tromal te mukhel sako forma taro rasizmo thaj natolerancia, vakergja o ex generalno direktori an o UNESKO, Federiko Major. O Major ki rotali mesali “Roma jali so si odova te ove Europejco”, notiringja kote si but bibahtalo soske ko pobuter europakere thema o ekstremistia si lideria thaj isi baro fanatizmo thaj fašizmo.
“Trubul te lipara ko periodo taro 1937 thaj 1939 berš so sine,, a amjbut palo 1939 berš. Trubul te sikljova o lekcia taro nakhlo periodo thaj te vakera “na” bašo sako forma taro rasizmo thaj natolerantnost” notirinela o Major.
Ov vakerel kaj trubul te respektirinen pe o fundavno manušikane hakoa, sar so si o hako tari religia, digniteto thaj o principi jekh a jekh savorenge.
Ov vakerela kaj o Roma valjani te oven politikane inkluzirime thaj “phravde vastencar”
Ko akava dikhiba so sine organizirime tari rig e Europakere Centrosk bašo tromalipa thaj progresi ov notirinel kaj si importantno, thaj nane te ovel tromalipa bizi jurisdikcia, thaj progresi bizo tromalipa.
“O fundavno manušikane hakoa trubul te oven fundamento te legaren pe o politike thaj aktivitetia an i EU” vakergja o ex generalno direktori an o UNESKO
