O Džejms Maršal “Džimi” Hendriks si biame an o 27 noemvri 1942 berš an o Sietl – USA, a mulo 18 septemvri 1970 berš an o London , Britania. Ov sine jekh taro majsukcesiale gitaristia, kompozitori thaj giljavutno an i rocj thaj blues muzika , so sine le bari presia kerdo upral i rock muzika.
An o 16 maj 1970 berš , o albumo taro (Band of Gypsies) uklilo an o 6-to than an i amerikakiri top lista . An o 4 juli 1970 berš o albumi taro Band of Gypsies uklilo an o 6-to than an i Britaniakiri top lista , o Hendriks agorutno drom bašavgja an i piri biami diz Sietl.
An o 26 avgusto 1970 berš oficialno sine phravdo o studio Electric Lady, a javinate o Hendriks gelo an o London , te šaj bašavel ko baro rock festivalo Isle of Wight Festival.
An o 30 avgusto 1970 berš ko trin o saati pali i jekvaš i rakj o Hendriks uklilo an i bina, ko odova festivalo ikeribaja piro agorutno joncerto an i Britania. Ko masek septemvri o Hendriks ikergja panda nekobor koncertia an i Švedska,, Danska thaj Germania, a o koncerti an o festivali Love and Peace Festival, ikerdo an o 6 septemvri 1970 berš ko than Femran an i Germania sine oleskoro agorutno koncerti an i piri kariera.
