Salde paše 44 % taro Romane čhave an i Makedonia agorkerena fundavno škola, jekh taro perutne faktoria so nane edukaciakoro kadari so ka sikavel e čhaven an i piri dajakiri čhib.
An i Makedonia si kerde o avgo bare bukja e Romenge so ule an i lumia. An o 1980 berš kerdi si jekhto romani gramnatika taro autori Šaip Jusuf, thaj koautori Krume Kepeski . Trujal sa o roma nene len čačuno tretmani an i them , thaj panda nane studie prekal Romistika an i them so si funda e romane čhibjake, romani kultura,, thaj romani literatura , vakeren o manuša ko vakti ikeribaske o 5 Noemvri – Internacionalno dive e romane čhibjake an o Klubi e deputatenge an o Skopje.
Notirime si kaj o čhave tari Makedoni trubul te educirinen pe an i piri dajakiri čhib – romani a asavko šajdipa , si precizirime an o Ustav e R.Makedoniake so notirinel si klauzula so mukhela e Romen te educirinen pe ki pli dajakiri čhib, numa isi problemi so nane kadari.
Alternativa bašo lungo periodo taro 30 berša si o čhave te iranen pe an i škola soske oj si o linko škola – čhavo- jeri.
Angleder deš berša o procenti kvalifikujmo kadari edukaciake sine but majtikno.
Taro hramosarde studentia Roma dopherela pe sine tikno numero Roma diplomirime an o fakultetia, soske sine len dopherde ekonomsko problemia, a kola so agorkergje fakulteti but pharsete arakhen sine buti.
