O problemi bikiniba e tikne čhaen lovenge te prandinen pe an i Srbia but raritetno kerel pe lafi, jali trainel pe a ola nane salde viktimia ko kinobikiba manušencar numa seksualno teleperavde , sine akcentirime an i tribina “Tikneberšengere šrandina thaj terori upral o džuvlja thaj o čhija ” an o Novi Bečej.
O čhija majbut bikinen pe bašo 1.000 eura a nekana pohari lovenge a o prandina phanen pe kana si bare 12-13 berša, aokola so si len 16 berša si an i prandin muršencar so si phureder sine vakerdo an i tribina.
O aktivisti thaj žurnalisti Nevena Subotić akcentirinela kote o čhija piro avgo seksualno džanlipa si len phurder manušea so na džanena le thaj si majzorale olendar te nađšti paririnena olenge.
I Vesna Ćerimović tari Asociacia e Romenge taro Novi Bečej akcentirinela kote importantno si e themakere institucie majaktivno te len than an o akava procesi deibaja suporto em majbari edukacia. Organizatoria akale tribinake si Asociacia e Romenge taro Novi Bečej thaj i Fondacia 021.
