O Jašar Alijević (22) si pica majstori an i Borča , prandime thaj dat taro duj čhave thaj lipardo muslimani.
Sako paraštuj džal ani džamiaan i Borča ki Đuma namaz. Džal thaj ko sikljoviba e Kuraneske ko štartodi thaj sako kurko.
I resarin e lafekiribaske si: te eleminirinen pe sa o stereotipia so isi an i konekcia e Islamea.
– O Islam majbut kerel protektiva e džuvljake – si avgi konstatacia sebepi o stereotipia kja o Islami i dživli si teleperavdi. Olakoro rom na tromal te terorizirinel thaj te marel e romnja tergjol ko jekh o Aetia taro Kurani. Ko jekh te mukhle pe da taro nikai i džuvli si finansiko siguritetno sar kana si an i prandin kote olakoro materialno biathinalipa si garancia o babahako.
Ko jekh vakerela pe kaj i džuvli nane zorea sikavdi te džal an i džamia sar o murša. Oj te manglja šaj džal.
Problemi si kana o muslimanke roden buti. Ola našti arakhena buti soske si učharde – hidjab thaj ola na bešen khere taro patrijahalno karane, numa taro praktično relano karane. O gazdia korkoro vakerena kaj te lele asavke muslimanka an i buti ka naševaen piri klientela.
O Jašar vakerela kaj but sine “dur ” taro Islami sa dži kana na zapendžargja ole. O Islam tromalkergja le sar ” čačutno thaj nevi moldipa” Odoleske na piel cigara, pani, thaj hajbe ko vakti taro Ramazansko postia.
– O stereotipi mujal o Muslimania si baro thaj sako drom si sporedime sar -teroristia taro religiakere džala pe an o politikane teme. Ov vakerel kote aso religiakoro thaj nacionalno preperutnipa akana o Roma muslimania si duplo diskriminirime.
O Adjiluko – Hadž trampingja le, zorjarkergja plo imani thaj odova ilustririnel le sar andruno tromalipa sar gelo ko Hadž an i Meca thaj Medina.
O Jašar ko jekh niotirinel piri definicia e lafeske “Djihad” ko jek moderno konteksti.
– Miro Djihad si te šaj sikavav mire špv beršengere čhave te chidel pe taro kompjuteria – vakerel piro djihad. Kana chidava me čhave taro odola kompjuteria, ov duj saatia rovela, mo vilo pharavela, numa o lačhipa si importantno thaj an o majterne – vakerela o Jašar.
