Trin phenja taro romano nacionalitetp thabile ki čhivdi jag ki kamp prikolka an o jekh kvarti an o Rim, Italija. O viktimia si ko baripa taro štar, ofto thaj 20 berš so sovena sine pore jeriencar thaj panda ofto phralja thaj phenja ki jekh prikolka so thabili.
O snimke taro kamere sikavena manuše so avle glašaja thaj frdela la upral o vordon sa dži kote na astarela la jag , vakeren o rodarutne manuša.
Na džanel pe kerdo li si akava akti mujal i ksenofobia jali nesavi aver familia te kerel sar garazi.
O aver membria tari familia vakerena kote sine lenge bičhavde daravina nekobor divesa angleder te ovel akaja bari tragedia.
I proromani grupa Asociacione 21 Luljo, so ničale bičhavela kritike baši diskriminacia thaj terori upral o Roma an i Italia sikavgje bibaht akale tragediake.
O presidento tari Italia Sergio Matarela krisingja akava “bari tragedia” dži kote o papa Franjo bičhavgja pire kapelane te del sabri e familiake thaj te anel desavo surpoto olendar.
