I ilustracia taro dživdipaskoro ambienti e terne Romenge si pherdo stereotipia. O terne majbut si an o internet , resen diferentno havljarina thaj idee diferentno modakere trendenge.
O terne Roma majbut reflektirinen pe aso pendžarutne giljavutne, akteria, sportistia numa ko jekh mangena te oven majdiferentno averendar pire unikatno stilea.
I garderoba generalno si uniformirimi taro moderno civilizacia an i lumia, numa o frizure si len čačutno libertasi. So majdilini frizura odova si lenge majlačhe, si o kanoni ko murša a o čhija mukhen bare bala.
Diferentno kolori thaj džindžuria si dali te ovel kafe kolori o pramenia , moderno šarpe so kheden o bala so akana si an o trendi.
O džuvlja pobuter si phanel an i tradicia thaj normalno havljariba e – lačheske.
O murša mukhena piri fantazia ko drizure sar so si 2čiroki” , mravde kotora taro šero jali šatirime.
Po desavo dro khelen pe anavencar taro frizure kote so o bala te peren palo tikno šišiba an o teme anavkeren la sar ” i šala an i rig” a okola o oštro pramenia taro lungo bala so džana an o čekat anavkeren len sar “An o špic”
O terne Roma si bare pire imidžea thahj mangen te fotografirinen pe, trujal so taro jekh momenti na mangena. O bunti si an i moda, sar an i lumia, sar an o filmia agjaar thaj an o romane mahale.
