Ko rodaripa storia kote an o korkoro centro taro Beograd sakodive kerel pe buti o “majpurani profesia” jekh žurnalistka goeli an o korkoro “than” tari prostitucia
uravdi sar “rakjakiri dama” . odori udžargjela napitaveli percepcia taro jakha so bikinen pe bašo 10 eura.
Oj vakerela:” Pherde duj saatia ki šudri bavlal an o centari taro Beograd sine rotirime e prostitutkencar. Ola kana keren sine lafi maškar peste me sium sine an i rig daravutne. Ni jekh na peli an i dujgogja kaj me aljum akate aver akciajaj. sar žurnalisto trubul sine te dikhav taro paše sar keren buti akala “rakjakere dame” thaj sar nakhena o dive.
– Salde so aljum . Nevi sum panda na startujngjum. Aven palo odova . palo 23 o saati. Ko akava than džanea li kobor love?”
Udžargje ma bare asajbaja . E manuše sine le paše 70 berša , kaske ka dikhen kaj si phuro manuš. tergjol sine uzal mande asala sine thaj sikavel sine mange love taro 7-8 eura em vakergja mange:
” Šun tiknie me nasium nevo akate. Akava si odokhar love. Nikana na pukjingjum buteder odoleske ma ker te ikave mandar pobuter love” Kana phirava sine premal duj uče numa but slabo romane čhija havgjum kaj akate majbut si romane čhija thaj si but bokhale.
Ko nekobor metria majdur dikhav sine sar asana mange. o duj irangje pe premal mande thaj dengje ma dži ko dđanlipa te ikerav distancar olendar. Ačhiljum an i rig . Bapo jekh saati ale mange panda nekobor murša. resljum te havav kaj o usluge so dena si paše 20 eura thaj akala džuvlja akate aven taro 18 o časo sa dži ki javin.
O klientia lena len an o vorda, an o hoteli jali an o avlina taro zgrade.
Ki jekhvaš i rakj geljum tari Balkansko ulica. Kobor akaja storia te ovel daravutni o reliteto si aver. Akale džuvlenge nane lokheste. Olengoro dživdipa su dendo te bikinen pe e stranconge thaj te teleperaven pe sar persone. Džanav kaj odova ola na mangena numa odoleske si ola odothe čhivde thaj bibahtale.
