O Roma taro romane mahale an o Niš maškar so si Stočni trg, Crvena Zvezda thaj Beograd mahala kergje o Herdelezi barvale sofraja thaj muzikaja. Akava baro dive o Roma taro Niš hazrkergje pe angleder te avel. O Romane familie tradicionalno Herdelezeske sine len bakhrano peko mas so o bakhre sine čhinde angleder te avel o Herdelezi.
I Tradicia e Herdelezeske su te džan ko šutalo pani tze len pani, lulugja thaj salčina taro kašta. O khera thaj o udara anglal o avlina sine čhivde akala salčina em o lulugjha thaj o humlavdo čhindo bakhro.
I tradicia si o Roma javinate te džan ko šuralo pani te ovel olen sastipaske. O Niško Roma tradicionalno o Herdelezi keren le peske khere o avgo dive pe paše familiaja, a o aver divesa džana ko ple amala, komšie thaj paše familia.
Ola vakerena: ” O bakhrano peko mas si akate trujal oleste isi em sarma, pherde dolme thaj gudle. I muzika ko jekh si ko sako kher. O trubačia sasto dive bašavena an i mahala ko droma.
Ola vakeren kote ko akala niško romane mahale isi paše 5.000 Romane familie tghaj rariteno si neko olendar ma te ovel le bakhro bašo Herdelezi.
” Kaste nane love, lena ko uzajam kinen bakhro, a palo odova masekoncar iranen o love so kingje le” Jekh kilogram dživdi mera akava berš taro bakhro bikinel pe sine taro 2.5 -3 eura ko kilo”
