Trujal so o Herdelezi si dive kana kerel pe o Sv Gjorgia thaj hulaviba o jevend taro nilaj i barodive e hristijanegoro majbut konektirinel pe e Romencar so tradicionalno ustavalkeren o 6 thaj 7 maj kote sako drom isi peko bakhro.
Numa ake pobuter tari jekh dekada o Roma taro Leskovac si hulavde trujal o pučiba akale ritualeske majbut si telal i presia tari khangiri. „Amende isi salde 10% taro manuša so čhingje bakhren thaj keren sine akava dive. . Odova si majbut taro 10 berđasoske buteder Roma hulavgje pe ki Protestansko – evangelistikani religia so na mukhela te čhinel pe hajvania ko odova dive Herdelezi thaj na dikhen le sar romano baro dive” vakerena o Roma taro leskovac tari mahala Podvorce.
O roma an o leskovac dživdinen an o trin romane mahale a odola si Sat mali, Podvorce thaj Slavko Zlatanović thaj kote so kheden pe o evangelistia.
P Herdelezi notirinel olengoro ruh thaj kerel zori te kerel unia maškar o Roma sar etnikano nukta so pohari teleperavel i presia ko hulaviba andre an i romani jekhin.
„ Ko vakti taro komunizmo, savorenge sine namukhle te keren o baredive thaj te džan an i khangiri, numa o Tito vakergja :” Odova si romano barodive , o roma te keren o Herdelezi” vakerel jekh phuro Rom.
O Roma taro Leskovac nane religisko homogeno. Neko si e Srpsko hristianencar, aver nesave aver hristiansko religie thaj baro numero Roma si len muslimania. Ola ikeren pe prekal o hramosardo Kurani.
