An i phuv e novosadsko mahalake Liman 4 bizi elektrika, thaj pani ko nakhle 15 berša si kher efta membrebgiri familia Đurkić, kote akana tari odoja lokacia trubul te džan peske soske i phuv si privatizirime. I tkni phagi baraka kote so bešen akana ka peravel pe a aver alternativa nane len. O pari Bojana (29) thaj Predrag (34) si jeria 5 čhavenge , Katerina (13), o bliznakia Bebe thaj Bube (11), o Peđa (9) thaj i Bojana (6) na mangen te ačhon an o droma te na arakhlja pe lenge anglutne alternativa.
Ola pakjana kaj humano manušencar ka arakhen nevo kher thaj dopherena kaj ko akala phare momenti i familia ačhol sar jekh. Numa ola si but bibahtale, te ačhile ko droma, šaj te oven lendar lende e čhaven . Ola mangena olengere čhave te džan majodorig an i škola “Žarko Zrenjanin” kote akana džana an i škola.
O direktori thaj o profesoria havgje baši phari situacia e e familiake thaj kergje akcia te del pe suporto e familiake Đurkić.
O direktori e školake Žarko Mušički vakerela – Ola si lačhe vopsitime thaj nikana na sine amen problemi olencar. I škola ka organiozirinel humanitarno aktiviteto a o love so ka kheden pe ka den pe odole familiake.
Kana ka resen o bageria te peraven , 7 membrengiri familia bubahtake nane kaj te džal. Socialno lena paše 125 eura thaj p čhavengoro dopherdo suporto taro 80 eura so jekhutne love so lena sine. O budžeto dopheren sine odolea so kheden sine, numa kana angleder jekh nmasek o rom oPredrag sine le infarkt thaj sine leske čhivde stenti , trujal sakodieseskere savale e čhavenge salde i romni i Bojana kerel sine khediba plastika.
Keraja zori te educirina amare čhaven te šaj ikava olen ko sasto drom. Bičhavaja baro respekto dži ki škola so ikljon amenge an o suporto amare čhavenge so dena sako drom lila thaj školsko artiklia.
