Majhari 500 persone an i Hrvatska si bizo themutnipa. O čačutne numeria si napendžarde, a o NGO sektoro vakeren kaj o numero taro odola persone bizo themutnipa jali apartiridia si trin droma pobare.
Majbut kerel pe lafi bašo Roma so o dživdipa bizo dokumentia thaj aver evidencia an o thema si konsekvenca taro fakti kaj odola persone si biame ko kherutne šartia thaj olengere jeria sebepi nadžanlipa jali nainformiriba nikana na prijavningje pe an o statistikne identifikaciakere ofisia.
Aso o kanoni akala manuša sp dživdinena nalegalno thaj ko plo sakodivesa so arakhen pe problemea an i sasto piro dživdipa thaj dživdinen an o romane getia so o riziko si kaj i policia ka legitimirinel olen kana ka ikljon taro geto thaj ka ovel len aver problemia.
Palo biathinalipa tari Hrvatska baro numero persone so si len notirime dživdipaskoro than an i Hrvatska so si len aver themutnipa resle thaj hrvatsko themutnipa. Numa o problemi aktuelizirinel pe ko persone sebepi naažurnost jali nadžanlipa na dengje rodaripa e themutnipaske jali sine tikne thaj olengere jeria na rodingje aplikacie themutnipask, thaj odolea nisavi evidencia an o themutnipa sar them bijanibaskiri.
Odova majbut si ki romani populacia. Tari policia vakerena kaj odole personenge so si notirime sar apatridia an i Hrvatsja a si len adresa šaj te den pasportia e personenge bizo themutnipa.
