O Ministeriumi baši trud thaj socialia na del socialno love, aver nega thaj aver kanonikane savale so isi len soske nane len love, vakeren tari i partia PCER. I Partia baši sasti emancipacia e Romenge (PCER) havljarela kaj ka organizirinel protestia dži kote ko sig vakti na del pe o sasto borči premal o dizutne so si len socialno tranferoa, socialno suporto, lovengoro suporto thaj aver transferia.
„Ačhovela te ikera amaro dnedo lafi. Aso amaro havljariba, o Ministeriumi bašo trud thaj socialno politika šhare šaj te pukjinel o socialno, soske i kasa taro MTPS si čuči. Nane len dendo love baši elektrikani energia, thaj harinela o love bašo invalidia thaj odola organizacie” vakeren tari partia.
Avere rigatar o MTPS negirinela sa okova so vakerel pe kaj si dezinformacie taro PCER. Ola vakerena: Isi amen love dži ko agor e beršeske te da socialno. Taro Ministeriumi vakeren kaj ničale thaj ko vakti ka keren pe o socialno transferia.
„O vakeriba kaj na den pe love socialno transferia premal o dizutne , thaj na pukjinel pe o socialno thaj aver socialno transferia, si sa hohaviba. Hohaviba si thaj o vakerdo kaj o Ministeriumi ba[i buti thaj socialno “phareste ka šaj te del pe o socialno, soske i kasa taro MTPS si čuči” Čačupaske o Ministeriumi baši sociala si len love dži ko agor e beršesle te den love thaj transferia taro socialno” informirinena taro Ministeriumi.
