O romano pučiba an i Romania alo an o fokuso tari sama ki internacionalno sasoitnipa palo khujbe e Romaniake an i EU ko 2007 berš- Palo odova baro numero romansko themutne džana sine an o thema an i EU thaj iklile problemia. Resena sine došperavina upral o dizutne tari akaja them.
I Romani jekhin an i Romania isi thaj aver problemia trujal o anav thaj odola si sar an o sa aver thema. Baro numero Roma dživdinena čorolikane ko nalegalno mahale konsekvence e sastipaja thaj edukacia thaj isi bare problemia. Buteder nane len dokumentiaidentifikaciake, an i them arakhen pe diferentno problemia thaj kriminalno aktia.
O Roma sine agorutne robia an i Europa, soske o ropstvo an i Romani sine sa dži ko maškar taro XIX veko. Jekh olendar so dengja majbaro lačharipa ko čhinaviba e robstvo an i Romani si e historičare thaj themtunipa Mihail Koganilčanu. O Roma ko dive taro oleskoro meriba (mulo an o 2 juli 1891 berš) avdive da khedena pe ko ploštado an o Bukurašt so legarel leskoro anav thaj den vencia thaj lulugja ko oleskoro lipar.
Ko vakti taro dujto lumiakoro maripa an o režimo e maršaleske Antoanesku, sine mudarde upreder 10.000 Roma tari Romania. Ko vakti taro komunizmo olengiri situacia uli majlačheste, trujal an o buteder raportia sine notirime diskriminacia sine thaj an o odova periodo upral o Roma.
Link: http://www.vreme.com/cms/view.php?id=967578
