Sako nacia si piri karakteristikani kujna, akana si ko pučiba e neveberšeskiri sofra.
O Nevo Berš thaj o krećuno si jekh taro majabre divesa so si importantno thaj magia sakote an i lumia.
Ake desave tradicionalno hajbe so sako nacia kerel len kana ikerel akala baredivesa…
1. Danska
O Dancia tradicionalno an i neveberšeskiri sofra si len peki papin, so si pherdi šuke emišea jali peko balikano mas , kartofilea thaj lolo šah. Sar deserti si – „gryuttse“ – so si kerdi sar pišime, melimo rižo emišeskoro žele thaj peke bademia.
2. Italia
O Nevi berš an i Italia udžarela pe bare itsavalkeribaja sae so si balikane kobasice – „cotechino“, sar dopherdo – lekja – simboli lungodživdipaske, sastipaske thaj bahtake.
3. Meksiko
O Meksikancia mangena but začinia an o hajbe , thaj e bare diveseske kerena „romeritos“ (sar so si rakia thaj kartofili), pherdi misirka, bobo, fusuj thaj gudlimata. Piena majbut lokhi mol, punč thaj tekila.
4. Anglia
Tradicionalno sofra ko Britancia konektirinen pherdi misirka, zarzavatea thaj sar gudlimata pudingo. Angleder te čhivel pe an i sofra, upral čhivel pe rum thaj kerel pe flambira e korkori masake.
5. Vietnam
An o Vietnam , o nevo berš utsavalkeren aso lunarno kalendaru an o agorutne 10 divesa maškar o januar thaj fevruar. Tradicionalno hajbe si rižo thaj mas , so majbut si balikano kerdo kokosovo thudea jali o hajbe čung ( smesa taro rižp thaj balikano mas, pakjardo ani patrin taro bambusi thaj agja peki).
6. Francia
Ni jekh neveberšeskiri sofra našti te na ovel ostrige, pašteta taro puj, kiral thaj kvalitetno francusko mol
7. Japonia
O japoncia pakjana kaj o koštania anena sukceso an o biznisi, thaj odoleske sar garniri isi but hajbe. Sar egzamplo , an o „mochi“ pite taro kervado rižo, kote an i sofra isi thaj kelj, grašako. fusuj thaj haringa.
8. Čehia
Sar tradicionalno hajbe an i neveberšeskiri sofra an i Češka si štrudla tari phabaj jali višna, so del pe sladoledea, šlago jali marmalada. O aver so isi si supa, mačhe thaj soso taro jačmeno.
9. Polska
I polsko tradicia e neveberšeskere rakjake si te ovel 12 diferentno hajba. Ko jekh na tromal te ovel mas. Supa, giv, kartofeli, knedle, torte thaj kolačia. Šerutno hajbe si mačhe – peki jali pržimi, soske an i Polska oj si simbolo tari familiarno baht.
10. Holandia
Tradicionalno hajbe so o Holangjania si len e neveberšeske si krofne so isi len cukeri an o praho.
