O daravina taro terorizmo thaj organizirimo kriminali kergje e Europakiri Unia te kerl trampa an o Kanonia an o šengesko simantre.
Aso dendo propozalo so sikavgja len i Europakiri Komisia a dendo suporto taro Konsilo an o avutnipa ka registririnen pe sa o dromarutne so khuven thaj ikljoven taro avrutne simantre tari EU.
Dži akana so si registririme a nane themutne an i EU si Švajcaria, Island thaj Norveška, thaj taro akana odova ka trubul te keren thaj ola.
Odoleske ka oven ekstra lente an o simantrakere nakhiba thaj ekstra kabine an o aeroportia e dizutnenge okola so si taro EU thaj okola so nane taro EU. Nane phare te dikhel pe kaj odova ka kerel panda majbare gužve thaj ka keren panda majphare o nakhaviba e simantrenge , ekstra ko periodo kana ka oven e beršeskere dajanipa.
Agjaar akana i simantra ko nakhaviba e Hrvatskaja tari Srbia thaj Montengero ka ovel majlungo numa so si akana . soske e simantrakere policajcia nane te dikhen o dokumentia thaj fotografie , numa em ka keren registracia.
So legarel pe o simantre e Sloveniaja thaj Ungarijaja so si kotor taro Šengeni ka keren faisali aso so i registracia na trubul te keren o slovensko thaj hrvatsko simantrakere policajcia , numa ka trubul odova te kerel salde jekh rig.
Sar konsekvenca te kerel pe majzorali kontrola anibaja op sistemi Etias, kote o persone so nane themutne an i EU ka trubul prekal o internet anglutne te keren registracia an o sistemi thaj te havljaren olengoro aviba an i EU te pukjinen 5 eura baši registracia an o sistemi thaj tegani ka šaj andre 5 berša tromale te dromaren an i thema tari EU. Importantno si o ofisia taro EU te džanen ko khuvela thaj ikljola tari Unia.
