An o piro lafikeriba ov notiringja kaj an i nevi funkcia kerel buti profesionalno thaj an o interes sa e dizutnenge, numa vakergja jekh tikno napend\ardo detail an o plo djivdipa, hramosarel o Faktor.ba Ko starto taro 2011 bersh o Seferovic sine an i kafa pe amalencar an o lokalno kafici.
-Alo o konobari vastencar naplala thaj vakergja : “O gazda o Demirovic Adem vakergja kaj tumenge e Romenge nane mukhlo te khuven ko kafici thaj te pijen akate” Me sium sine but bibahtalo thaj achiljum bizo lafia. Nashti pakjava sine kaj odova ovela mancar – vakerel o Seferovic. Palo odova akhargjum policia, kote trubul sine lake 40 minutia te aven trujal so e policiakoro stasioni an o Zavidovic si dru taro kafici salde 70 metria, Ale enja policajcia thaj gnidabaja kaj amen o roma siam doshale, gelo taro chavo e gazdaskoro te roden dokumentia vash identifikacia.
Me vakergjum kaj me rodingjum policia soske upral mande si kerdo “atako” thaj trubul aver chane te keren buti thaj me te dav mi licno karta- vajerel o Seferovic. Palo odova i policia geli peske thaj lele vakerina taro tasdivia , a plao odova alo o gazda e lokaleskoro so na mukhel e Romen ko oleskoro lokali. Trujal so o Seferovic sine telel i presia ma te anel krisoskoro akti, ov na kergja odova. Bersa napalal kerel maripa mujal asavke akti, a i motivacia te avel ki politika sikavgja pe sar sukcesiali thaj o Seferovic si avgo Rom alusardo an i akaja funkcia an o BiH sar Presidento e Konsileske an i komuna Zavidovici.
