Thaj palo šel notifikacie so resle ko agorutne 24 saatia, e Themakiri alusaribaskiri komisia panda na dela antvortia. Trujal i oficialno vaktavin kaj kerel pe buti bašo tehnikano problemi thaj odova nane te kerel presia thaj abrikade an o Alusaribaskiri lista, o TAK nane le konkretno antvorto an o tifikacie taro dizutne so ko agorutne duj divesa si kosle tari lista! Dizutni so rodingja te ačhol anonimno , holjame vakergja piri telefonsko golgota so sine la avdive an o kontakti an o TAK.
Olakiri storia ilustririnel i situacia so akana isi an o TAK ko nekobor divesa anglal o alusariba. Kana oj na arakhlja pe ki alusaribaskiri lista i dizutni J.D. rodingja komentari taro TAK. Ko jekh telefonsko havljariba dži olende ko Ofiso tari alusaribaskiri lista an o TAK, reslja majhari pandž diferentno antvoria!.
Majanglal sine notirime kaj šaj nane la an i lista, soske si len tehnikane problemia, numa ” an o kurko ka ovel ola an i lista”. Kana insistiringja te dikhel piro anav an i lista angleder jekh dive anglal o alusariba ola vakaregje kaj odova našti , soske aso olengere informacie , olakiri identifikaciakiri karta nakhlja olakoro roko. Oj vakerel kaj olakiri identifikaciakiri karta si la roko dži ko 2020 berš. Palo odova sine vakerdo lake kaj si an i lista taro okola probelmatikane hangutne thaj trubukl te notirinel pe ko dendo roko so figuririnena sar fantomia. kana vakergja kaj olakiri adresa nane fantomia, reslja antvorto te rodel an o MAB thaj te notirinel e averen dizutnen , soske i adresa si but stanaria an o odova numero?! Avere lafencar te notirinel pire familia sar fantomia!
Ko agor sar konkluzia so angja o TAK kaj e alusaribaskiri lista si phanlo thaj olakoro anav nane te arakhlovel odothe, thaj ko 11 dekemvri ka našti te del pli vota , trujal so dži akana 20 berša napalal ikljol sine an o hangiba bizo problemia. Oj pučlja te angja sar prestavka dži ko TAK, ka resen li te keren ola nešto, ola vakergje kaj odova si olakiri dizjakiri obligacianuma olengiri prestavka nane te kerel presia an i olengiri decizia- te ovel ikavdi tari Alusaribaskiri lista.
O TAK trubul te džanel trujal i bari mediumsko kampanja o dizutne si nainformirime e situaciake an o Alusaribaskere liste, thaj o aktia so trubul te len te arakhen pe ki odoja lista. O TAK na salde so na kergja buvli informacia numa thaj kerel sine trampa an o aktia sa dži kote sine o roko, kana anen notifikacia , thaj e dizutnen sine gurime sa dži kote sine o roko, thaj e dizutnen guringje an o birokratsko lavirinti.
Link: http://civil.org.mk/2016/12/06/dik-n-im-odgovori-na-rvoltiranit-graani/?lang=mk
