Ni jekh taro paše familie taro viktimia so si mudarde an o kon logoria thaj mudarde ko vakti e dujto lumaikare maribaske ko vakti taro NDH nane informirime kote e mulengere kokala ka oven ikavde thaj čhivde aver thaneste.
Nekobor vakti i Komisia an o Govermenti e R.Hrvatskake so so kerela rodaripa an i ehumacia e viktimenge taro Dujto Lumiakoro mariba , kote randena i Šaranova jama sp si lokaciaja an o Velebit , kote o ustašia ko vakti taro NDH frdena sine e mulen sar so sine Roma, Jaudie, Srblie, komunistia thaj avera.
O randiba si nekobor divesa numa o mediumia tarinena thaj na den nisave informacie akale aktenge. Akaja jama nekobor droma angleder sine randimi a o informacie kobor kokala ačhile, si diferentno thaj manipulativno numeroa.
Sar so notirinen nesave aktivistiako asavki forma buti šaj mangel te tiknjarel pe o numero taro viktimia thaj keriba aver faktia.
Ko jekh o Veterania taro Hrvatsko arkahibaskere takatia (HOS) an o centari Jasenovac ko pašipa e nekanutne konc logoreske sine kerdo lipar -ploča kote sine čhivde ustaško slogani ” Bašo kher hazri” . Odojal lipar ploča sine mukhli ko 5 noemvri sar nišani an i lipar taro 11 mudarde preperutne e brigadake “Ante Paradžik” an o HOS so sine mudarde an o odova regioni.
