Aso i andi decizia taro trinmembrengoro žiri , o dramaturgo thaj rtikano direktori an o Hrvatsko nacionalno teatro taro Split Jasen Boke, o direktoro taro Sterijino pozorište an o Novi Sad Miroslav Radonjić, thaj e turkiakiri režiserka Emin Bilge, baši majšukar drama an o sasto kotor notiringje o performansi ” Miro čhavo” taro Beogradsko nacionalno tetaro taro Beograd kaskoro autori si Stojan Srdić a režiseri i Ana Đorđević. ” Akava si storia e manušenge so majbut droma asaja olenge a kaskere gilja mangaja thaj šunaja len majbut, jali o manuša so amen anavkera olen sar Cigani, a politikane korektno anav si olengoro Roma- Akaja storia si olenge thaj olengere problemia an o sitemo so dživdinena”.
An o pervazia e programake bašo phursakoa an o Festivalo e europakere tetareske an i Tuzla, o manuša so kamen o tetarsko arti sine len šajdipa te dikhen šov performansia tari Hrvatska, Srbia, Slovenia, Čehia thaj Bosna thaj Hercegovina, thaj o performansia :”Miro čhavo”, ” O mulo so avel pali piri mangli”, “260 divesa”, ” Dragoni”, ” O mule mačhe nanjoven an o dumo” thaj ” Woyzeck”.
