Peravibaja o improvizirine khera telal o Kale, e dizjakoro šerutno bašo Skopje Koce Trajanovski e Makedoniake angja kriseskoro mujal kati. O Erupakoro centari bašo protettiva e Romenge e thema krisinel ko Strazbur sebepi nahumano šartia dživdipaske.
I čipota kote interno si anavkerdi odoja lokacia sar “Poligoni” a si kote o Roma dživdinen ki nalegalno improvizirimo than telal o skopsko Kale si sikavdo tari rig e Europakere Centrostar bašo hakoa e Romenge anglal Europakiri Kriso manušikane hakoenge. Kerel pe buti bašo 131 dženo tari odoja mahala maškar so sine but čhave thaj 3 dovogjende romnja taro kriso rodeingja pe te istemalkerel o kanoni 69 resarinaja urgetno koneskevnce te arakhel pe aver akomodacia e klientengem vakeren taro Europakoro centari protektiva e Romenge.
Taro Obdusmani rodimo si taro ministeriumi baši sociala e dizjake Skopje barabutno faisali te akomodirinen e Romen taro Kale , soske nane len but ple kapacitetia.
„I akomodacia e Romenge si jekh taro prioritetia e Romenge ko droma, so nane len nisavo kher thaj šarti dživdipaske.But baro si o numero čhave kote so zojrakerde si thaj 6 dovogjende Romnja thaj savore si avrial bizo fundavno šarti dživdipaske” vakergja i Vaska bajramovska – Mustafa, Vice nacionalno Obdusmani.
Tari diz Skopje vakeren kaj keren aktiviteto kanonikane thaj ko interes savorenge.
“Generalno an i konekcia akale čipotake saste si kerdo aso kherutne kanonia thaj si dokumentirime thaj agjaar šaj saste savore te dikhen le, thaj e kriseskere institucie”.
Apelirinen ki pakjiv e ofisene kote an o jevend ma te nakhen ko phravdo. Ko jekh i them ki odoja lokacia si la plani te kerel hotelsko kompleksi ko abrokno stili. Ka oven pandž hotelia, etažengiri garaža thaj sportsko centro.
