Trujal so salde angleder desave masekoa startujngja i Stania Dobroević ki kariera, oj isi la tezge thaj tezge bašo romane bijava. Trujal so o Roma si but probirlivo kana kerel pe lafi kaste te pazarinen ko ple biava, soske trubul te džanel te giljavel, thaj te ovel la kapaciteti saste bijaveske. Jekh romano pari dikhle ki Stania kaj šaj oj ovel giljavutni ko olengoro biav, numa oj irangja len. – Sine man akahrin jekhe romane biaveske numa irangjum len. Vakergjum:” Ssoske mande rodena man, me akana startujnava. nane man baro reportoari”. Ko jekh šokiringjum man kana vakergje kaj sasto vakti trubul te ovav e misafirencar, te gušinen man, te lepinen man thaj aver. Me vakergjum “Na”!Me sium pobut nesar bašo klubsko bašajbe, vakerel i Stania.
Numa o popurane kolege tari Stania si kategorično thaj vakerena lake: Kana i Stania ka resel te ovel ko romane biava, ka dikhel korkoro sar si te giljavel pe ko olengere biava, kote o bakšiši si but bare. Ko Romane biava an i Srbia thaj diaspora najšukar nakhena o Šaban Šaulić, Darko Lazič, Ljuba Aličić thaj aver. O Šaban Šaulić ko jekh biav sine krunisimo sar thagar e giljavutnenge, a o Darko Lazić lepinen le sine parencar aov pašlilo tele thaj giljavel sine, a o Ljuba Aličič den le sine bakšiši kote o pare džan sine dži ki leste taro muj ko muj.
O Šerif Konjevič kana džal ko romane bijava kerena leske obavetno specijalno kustik, thaj lastiko bašo šero te šaj agjaar dena le o bakšiši.
