O arakhiba, protektiva thaj persepktiva e Romane čhibjake an i Srbia sine tema ko dujdivesengoro ukakoro khedipa so ikergja pe an i Srbiakiri akademia vash uka thaj arti. Buteder taro biš džene taro universitetia thaj institucie an i Srbia thaj an o regioni tari Paščimali Europa keren sine lafi baši lingvistikano rodaripa e romane čhibjake, romološko leksikografia, majphare hainga ki vorba e Romenge, biligvinistikani edukacia e romane thaj srbiakere čhibjake, thaj o hakoa akale minjoritetengere jekhinake an i Srbia ko istemalkeriba e čhibjake.
Jekh taro majbare problemia si o statusi tari oficialno čhib , kote aso Ustav e R.Srbiake si garantirime sa e minjoritetenge an i Srbia, numa na salde e Romenge kote si dujto aso numero minjoritetengere jekhina an i Srbia. Te šaj jekh čhib tari minjoritetengere jekhina an i Srbia te šaj ovel oficialno sar dujto oficialno čhib ki jekh lokalno jekhin , kanonikano šarti si 15% taro odova minjoriteto an i odoja teritoria.
– E Romenge akala kanonia si bilačhe , soske ni ki jekh lokalno jekhin aso agorutno statistikani operacia nane len 10% akcentiringja o Goran Bašić, direktori an o Instituto vash sasoitnikane uke. Ov bahamkerel te kerel pe nevo afirmativno kanoni upral i funda kote i romani čhib trubul te istemalkerel pe i romani čhib an i oficialno konverzacia.
– Sar egzamplo odoja čhib šaj te ovel oficialno an i desavi teritoria kote o procento e Romengoro ki odoja teritoria si 10%.
Odova si importantno soske o Roma na salde socio ekonomsko deprivirno numa tari percepcia te kerel ple niamia ki protektiva taro nacionalno, kulturakoro thaj čhibjakoro identiteti e minjoriteteng . Baro numero hakoa an i konekcia e protektivake ko identiteti. Pobuter taro niamia an i konekcia e protektivake ko identiteti e minjoritetenge si athinale an o kanonia ki RS thaj athinela odolestar dali i čhib ka ovel oficialno ko istemalkeriba, vakergja o Bašić.
Link: http://www.danas.rs/drustvo.55.html?news_id=330674&title=Zakon
