„Diferentno programenge den pe lafia e dizutnenge , a majbut e socialno kategoria manušenge , kana dikhel pe palo odova kaj odolestar nane khanči, jali si realizirime but hari. Ko agor odola dizutne palem si ko jekh statusi ” notirinel ko plo intervju vash o Civil o aktivisti Zekir Abdulov, taro NGO “Kham” taro Delčevo.
Sar membro ko NGO sektori so kerel buti urpal i sociala kote sar targeti akale NGO-ske si i romani jekhin so si jekh taro majpendžardi socialnoi ekonomsko kategoria,šaj te vakerel pe aso kerde rodaripa i romani jekhin thaj aver socialno kategoria dizutne si majbut diskriminirime thaj hohavde taro političaria.
Majbut taro kandidatia so si len angloalusaribaskere kampanje , ko vakti taro alusariba thaj po desavo drom thaj palo alusariba. sar asavki kategoria manuša ola si čhivde majbut an o manipulacie te den pe lenge lafia bašo but momentia: buti, socialno suporto, thaj po disavo drom love baši opservacia trinto persona kote ola but droma len odova sar šansa te den piri vota desave kandidateske.
Ko jekh bare manipulacie keren upral akaja kategoria dizutne ko deiba lafi sar sezonsko buti,thaj okola programe so anen pe baši socialno kategoria dizutne. Sa asavke programe ola den lenge lafi thaj vakeren e dizutnenge , thaj odole grupake, kote palo odova dikhela pe kaj odolestar na ikljol khanči jali keren salde jekh tikni realizacia. Ko agor akala dizutne palem ačhona ko purano statusi.
