Čhijbaja i sasoitnikani obligacia sar prioriteti an i kompania , o AVON doniringja 10.000 dolaria e krizno centreske “Nadež” so pobuter taro 16 berša arakhel suporto e viktimenge taro familiarno terori an i Makedonia.
Kerel pe lafi baši organizacia so isi la puterdo SOS-linia thaj del jurisdikciakoro kosiliari, pishološko suporto thaj akomodacia ko avgo divesa kana o džuvlja – viktimia iklile taro plo kher kote so sine malktretirime. O kozmetičko giganti AVON an o globalno nivelo, prekal piri fondacia , isi len aktivno programa anavkerdi sar ” Vaker mujal o familiarno terori” a o love donirinen pe prekal o bikime esktra artiklia tari olengiri paleta notirimie simbolea “nalimitirime”.
O AVON an i them isi len organizirime nekobor sukcesiale kampanje legarde ko maripa mujal o kanceri an o breha, a akava si avgo drom te donirinen love e viktimenge taro familiarno terori , thaj vazdiba i gnd e rpobelemske an i Makedonia.
I kompania thaj an o avutnipa planirinela te del thaj te vazdel i gnd thaj faisali e problemeske taro familiarno terori an i Makedonia. Ola vakeren kaj akaja si avgo donacia, numa nane te ovel agorutni da.
An i Makedonia ko momenti isi 5 centria vash lungo vakteskiri akomodacia thaj 1 krizno centari bašo 48 saatengiri akomodacia e dživlenge viktimia taro terori thaj olengere čhave , so isi kapaciteti 30 krevetencar.
An i Makedonia ko 2014 berš , aso i policia sine notirime 747 aktia taro džuvlja viktimia ko familiarno terori, numa o kalo numero taro nanotirime aktia si pandž droma majbut.
