Sar lon ki dukh e iloeske e naciake sine kana e tehmakro membro an i Švajcaria tari SP o Alen Berset persi kurko ko Bern ko beršeskoro mitingo e Jenišenge,Sinti em o Roma ko plo ceremonialno lafikeriba ov bičhavgja but sastimos e Jenišenge thaj Sintenge an i Švajcaria , numa na e Romenge. Trujal so taro 2001 berš an i Švajcaria , i Jeniš populacia thaj o Sintia si notirime sar minjoritetia , diferenciajaj olendar o Roma panda nane oficijalizirime sar asavki jekhin thaj nane len panda asavko statusi an i Švajcaria.
O Roma akale statuseske dengje dekreto panda ko anglonilai 2015 berš . Numa o ofiso taro Ministeri avrutne bukjenge an i Švajcaria thaj o ministeri Doidie Burkhalter tari SDP panda na vakergja plo džovapi. I aktivisti Anglea Mati vakerel kote notifikacia asavke statuseske sar minjoriteto an i Švajcaria ka peravel i diskriminacia thaj sigmatizacia e Romenge.
E Romen si len piri kultura, tradicia, čhib thaj agjaar šaj havel pe pobut olenge akale propulaciake. Majbaro kotor taro 80.000 Roma kobor isi ki Švajcaria, garavena plo identiteti tari dar ma te ovel olen konsekvence sar ko profesionalno agjaar thaj an o privatno dživdipa.
Ola panda si stigmatizirime thaj darana kaj ka oven udažrde hemime hošipaja kana bi džanel pe olengoro čačutno identiteti.
