O Roma tari niško mahala Crvena Zvezda kote angleder jekh masek sine čhinavdi lenge i slektrika, avdive kergja protesto anglal i Komuna. O Roma tari akaja mahala akana barabutne si boriči paše 39 milionia dinaria (upreder 300.000 eura) a o problemi aso olengere lafia si kote ola savore si konektirime an o jekh isntrumenti kontrolake thaj našti te džanel pe ko kobor hardžinela thaj ko kobor si borči.
Tari niško elektrodistribucia vakerena kote akale problemeske legitimno si o EPS thaj trubul odole kompaniaja te phanen kontrakti, a e dizjakoro šerutno taro Niši o Darko Bulatović dengja lafi kaj ka arakhel pe faisali akale da problemeske.
