E simantrakere patrole an UATsikle e bukjaja taro diferentno nacionalitetia so kerena mangin te nakhen i simantra taro Meksiko. Numa notirime si ko agorutne berša sa pobuter akcie (salde limitirime) baro numero neve specifično europakere dizutne – Roma so roden statusi sar migrantia.
Baripaja o nivelo nacionalizmo thaj ksenofobia an i Europa o numero taro Roma tari Romania so ale an i teritoria taro UAT si karana bašo majbaro nivelo migrantia. KO juli paše 1.800 dizutne tari Romania majbaro numero olendar Roma sine registririme diferenmciaja ko odova periodo persi berš kote o numero sine paše 400 manuša.
Aso o Mark Endikot – simantrakoro agenti taro San Diego , 731 Rom nakhle i simantra thaj lokheste notiringjam olen. Ola diferencijaja taro aver nacionalitetia na kerena baro zori te našen taro simantrakere ofisia taro UAT. Ola korkoro notirinen pe ko simantrakere punktia thaj rodena azili. Pobuteder si džuvlja thaj čhave” vakerel ov. O nevo nivelo si tikno, numa si nota bašo progresi ko bibahtalipa e Romengoro taro nahaljovipa tari Europa te del protektiva olengere hakoenge, vakeren o aktivistia.
Ko jekh resiba emigransko statusi an i UAT saste si pendžarde kaj si but phareste thaj nane len specifikacia ki amerikansko jali internacionalno politika so konkretno rangirinen e Romen sar potencialno migrantia. Pobuter Amerikancia na džanen kaj o Roma si diskriminirime thaj kote o lafi “Gypsy” si bilačho karakteri thaj forma.
