Skandali an i ortopedia ko Klinčko hospitali an o Štip. 7 beršengoro romano čhavo sine mardo ko vakti kana bizi anestezia o doktoria sasljaren sine oleskoro phago vast, vakeren o jeria.
Trujal so gipsea ko vast o čhavo taro hospitalo iklilo thaj ratvarinaja thaj ratvale muea. Ola šubikeren pe bašo nahumano kerdo gesto taro doktoria thaj ola margje le ko vakti tari kerdi intervencia. anglal o kamere taro TV Star, i daj e Edineskiri i Telkiza Vitanovska taro Berovo.
-vakergje mange khuv andre , našti sine te den le anestezia, vakergje mange te ikljovav , thaj šungjum sar mo čhavo del vika thaj akharela man, kana khuvgjum dikljum sar jekh doktori ikerel le tari men te na del vika a ko mu sine le modrice, vakergja i Telkiza Vitanovska i daj e Edineskiri.
O incidenti sine ko 30 avgusto palo 22 o saati. Dži avdive o jeria thaj o čhavo si telel šoko sar so vakeren taro nahumano akti taro doktoria so rodingje suporto.
-Akana ki mi godi si salde mo čhavo oleste so trujal o dukha taro phago vast so sine le em dukha taro khujba e doktorengoro , soske me ked khuvgjum rodingjum salde pani te šaj te dav me čhaveske ov sine but agresivno thaj nervozno, vakerela i Tekizea Vitanovska.
Holjami taro okova sar dikhlja pe čhave oj akava incidenti notiringja ki policia.
-Odpva si but ladžavo, duj doktoria margje le, jekh šamarkaja a averestar si le modrice, vakergja i Vitanovska.
Taro MAB Štip zojrakerde o incidenti thaj notiringje kaj keren kompletiriba e čipotake.
Taro Klikničko hospitali negirinena kaj kergje asavko akti thaj i sasti situacia ola vakerena la agjaar:
-Kerdo si medicinsko opservacia tari rig taro doktori specijalisti ortopedi dikhlo si kaj isi phago o vast, kerdo si repoziciateglibaja o vast thaj agorkerdi si rpofesionalno notirinela i Marina Šumanska PR e Klinčko hospitaleske Štip.
Sar ulo akava ka rodel thaj o NGO KHAM so barabutne e jeriencar taro Edini dengje akti kriseske kote si phage e sastipaskere hakoa.
You tube: https://www.youtube.com/watch?v=mvl-ZpU7mPA
