Trujal so si kerde hari rodaripa , i romani folklorno literatura si baravli. E naraciakiri literatura e Romengiri sar so vakeren o stručnjakia si la ko sa o segmentia an i tradicionalno literatura. O paramisia thaj o legende bašo Roma odova zojrakerena. Numa interesno an o fokusi si o romane folklorno vakerina thaj vakerina an i konekcia e Romencar.
Pendžarde si kaj o vakerina so but lokheste thaj pherdo roma lende taro aver nacie, thaj isi but vakerina so si lende e Romendar, thaj isi o Roma so lele averendar.
E Romane folklorno vakerina but tikno numero manuša kergje rodaripa. Džanel pe kote jekh taro avgo so kergje buti ko akava taro Romane folklorno vakerina sine o Aleksandar Paspati kote ko plo lil ” O Roma an i Eiropa thaj Azia” so si štampimi an o Konstantinopol – Istanbul an o 1870 berš.
Jekh taro Romane folklorno vakerina si:
O čhavo biangjovela bizo dadna
O lačhe grasta našti ovel len bilačhi morthik
Okova so kinela okova so na tubul leske, ko agor ka bikinel okova so trubul leske
I ladž e barvaleskiri thaj o meriba e čoroleskoro na šunela pe dur.
Trujal odova sar pendžarde Romane vakerina si:
O muj nane le moldi, majkuč si taro dživdipa da
Respektirime si kobor so si respektirime o makhja telal e grasteskiri porik
Pobuter taro akana folklorno vakerina si ki humoristikani konotacia, thaj isi asavke ki pežorativno forma, kote saste isi gnd kote telal bari presia ikljol vash kolektivno perspektiva e Romenge.
