O štarto Festivali e romane kulturake thaj aktivizmi FRKA si notirime bašo 27 decembro an i sala “Amerikana” ko Kher e Ternengoro an o Beograd.
O festivali ka startujnel an o 18 o časo kote ka oven presentirime lačhi praktika taro bukjarnipa e Romenge thaj Romnjenege , a i muzička grupa “Kal” ka bašavel ko 20 o časo.
Pali akaja svirka ka len than o zabavno orkestri “Gipsy Rhapsody”,legardo taro Perica Vasić, violinisti taro Nacionalno orkestri taro RTS. Odothe than ka len i Tanja Banjanin thaj Ivan Kurtić.
I Jelena Rubila ko vakti taro sasto koncerti ka mukhel tikne filmia, fotografie thaj video mesažia kote ka sikaven pe i Radmila Gjurić , Ivan Bekjarev thaj avera pendžarde persone tari Srbia.
Akava festivali šaj te dikhen le bilovengoro numa sebepi limitirimo than ka trubul te notirinen pe po e mailo taro organizatori majpalune dataja 25 decembro
[email protected]
