Akaja bari suma love sine dendi bašo rodaripa thaj progreso e Romane čhibjake an i lumia. I studia ka ovel džiakana majbari e Romane čhibjake.
O Romano rodaripe an o Nordisko regiono sine formirime an o Universiteto ko Soderton an o 2017 berš.
O profesoro palo Romane studie Kimo Grankvist si an i faza taro starto šovberšengoro rodaripa e proektoske faisali adresirime an i Romani čhib ko akava momento an i lumia.
Akava proekti si but baro thaj odoleske o Jubilarno fondi an i Riksbankafinansirinelale thaj dela 4,3 milionia eura.
“Okova so kama te kera si te hava o konteksti sar istemalkerel pe i Romani čhib thaj an i savi forma istemalkeren o aver čhibja” vakerel o Kimo Grankvist thaj panda notirinela:
– I Romani čhib an o kontinuiteto trampinela pe. Kana si miksujme avere čhibjencaR thaj dialektia save si o rezultatia?
Akava si majbaro momento so akana ovela.
Nane avgo drom te kerel pe rodariša ko buvljaripa e romane čhibjake numa nikana dži akana nane kerdo an o asavko baro formato , vakerel o Kimo Grankvist.
“Akava si majbaro rodaripa so kerel pe,thaj majpakjavutne majabro rodaripa e Romane čhibjake so si kerdo dži akana”
Paše 20 ekspertia rodaripaske an o terensko studie an o nordisko thema, Europa, Bari Britania thaj Latino Amerika. Isi pativ kaj ka kerel pe regrutacia neve rodaripaskere maškar o Roma.
“Akana isi bari kolaboracia e romane rodaripaskere ekspertoncar numa jekh taro targeti si kaj trubul te trenirina avutni generacia Romane rodaripaskere ekspertoa.
