O persi kurko o Fundavutno Kriso an i diz Miškolc an i Hungaria dengja propozalo e hospitaloske te čhinavel i praktika te trubul te pukjinen o klientia dajašere šea e amalenge thaj familiake tari i romsni so bijanela.
O kriso akceptiringja o argumentoa taro ERRC kaj akaja praktika direktno kerel diskriminacia e dajen so dživdinena ko čorolipa thaj odoleske o Romane khamne džuvlja akale faktoske but droma bianen khere ko than te džan ko hospitalo soske našti pukjinen akaja praktika an i akava lokalno hospitalo.
I politika akale hospitaleskiri si kaj o džuvlja kna džan te bijanen trubul te oven uravde ko dajakere šea sebepoi i higiena thaj šaj kinen la salde an o akava hospitalo. Familienge so nane len but love ko akava čorolo regioni an i Hungaria is but romane familie thaj i moldi akale opremake si olenge but kuč – skupo.
„Sien man baro stresi” vakerel i 42 beršengiri Rita , Romani taro akava than. ” Sium sine telal o stres thaj našti sine te pukjinav em te khuvav an o hospitalo te dikhav sar tani mi čhaj, thaj sium sine but bilačheste kana prekal o telefono akhargja man mi čhaj : ” Mi daj molinav tut ava te pomožine man ! Sine mange but bilačhe soske našti sine te khuvav an o hospitali bizo te pukjinav”
