Šov policiakere vordona thaj paše 30 policajcia erati avile an i romani mahala Podvorce sar asistencia e bukjarnenge tari elektrodistribucia so čhinaven sine i elektrika e Romenge so si borčlie.
O čhinajbe elektrika e deš fasmilienge sine sebepi baro borči so iksi e Romen tari akaja mahala.
O romane aktivistia na dengje nisavi reakcia akale akteske, a o Roma tari mahala kergje reakcia soske ola trainena thaj sikaven naintereso akale problemoske. Ola reagiringje da soske avilo baro numero policia an i mahala.
” Taro socialno so laja hulavaja te pukjina thaj sa o borčia so trubul elektrikake numa na resela. Siem bizi buti , o čorolipa si but baro akale manušenge so akana čhinaven i elektrika. Olende nane len love hajbaske a na strujake” vakerel jekh taro Roma.
O Podvorce si majbari romani mahala an o Leskovac . Majbaro numero Roma tari akaja mahala lena socialno thaj keren buti odolea so kheden plastika thaj sastrna.
