Ko savato ko 10 novembro an i Slovakia sine ikerde lokalno alusariba . Diferencijaja tari Čehia kote dizjakere šerutne alusaren pe direktno taro komunakere konsiloa, e dizjakere šerutne an i Slovakia si direktno alusarde aso individualno kapaciteto.
Buteder taro romano elektroati an i Slovakia dikhen akala alusariba sar šansa te len o bukja an o pire vasta thaj buteder droma resle te keren. Akava drom 41 nevealusarde romane dizjakere šerutne , 39 murša Roma thaj duj romane džuvlja ka len o funkcie romane dizjakere šerutne an i sasti them . O socialno netvorko sar importantno mediumi informacienge akcentirinela kaj akala lokalno alusariba sine katastrofalno procento iklile votaria aso o live an o FB so sine havljarde akava vikendi.
O sasublimati si pučiba perspektivake. Buteder ko akala lokalno alusariba em but romane kandidatia našavgje.
Avere rigatar o numero alusarde Roma barilo an i paralela avere beršenge thaj si lačhi informacia. O Roma an i Slovakia ko momenti si paše 8% taro sabarabutno numero dizutne.
Ako o numero taro komune si 3.000 tegani i matematika vakerel kaj trubul najhari 240 mandatia trubul e Romenge an i them a o numero si but dur taro akana realno alusarde. Numa an o nakhle vaktia džanel pe sine ma te ovel ni jekh romano dizjakoro šerutno.
An o 2014 berš olengoro numero sine 35 dizjakere romane šerutne , a akana o numero si majbare. O bonusi si kaj ko 30 alusarina si aktuelno romane dizjakere šerutne so sine alusarde o nakhlo vikendi.
Link: http://www.romea.cz/en/news/world/slovakia-has-41-romani-mayors-39-male-and-two-female-a-record-high
