– Sakote an i Makedonia isi čhave pe droma, a o numero so si notirime sakodive trampime. Kana kergja pe akava rodaripa sine registririme 337 čhave pe droma.
Majbaro numero čhave so mangena pe droma si taro Skopje thaj Prilep, vakergja o nacionalno odbusmano Idžet Memeti deiba antvorto ko žurnalistikano pučiba an o margine e Konferenciake an i inkluzia e Romenge palo agor e Romane dekadake.
Trujal o beršipa e čhavengoro so mangena pe droma sar so notiringja ov isi čhave ko sa o periodia čhavoripaske taro bebia so nane len ni jekh berš dži čhave so si anglal 18 berša.
Te na faisalkergja pe o problemia an i edukacia, buti, sastipa thaj kherutnipa phare šaj te ikljol pe ko agor thaj te arakhel pe propozalo akale problemenge e čhavencar pe droma a majbut o romane čhave , notiringja o Memeti.
