E kandidatenge e bugarske pasportenge keren sine prekal 100 posrednikia so dena sine suporto ko khediba dokumentacia thaj adrese baši registracia . O Makedoncia bašo bugarsko pasportia pukjinen sine 1000 eura, a o Kosovaria dži ko 5.000 eura , vakerel tasdivi baši BTV.
O Makedoncia sine cenovno “priviligirime” ko proceso te resen bugarsko pasporto. Akava notirinel o svedoko e nacionalno bugarsko televiziake BTV personake so “džanel sine akale bizniseske” ki korupciono šema an i Agencia e Bugarenge an o stranstvo -skandali so akala divesa tinanel e Bugaria so kergja akcia phanlipa e direktore tari akaja Agencia.
„Majlokheste te ove Bugari si te phrave firma thaj notirine 10 bukjarne. Upral i funda tari akava biznisi reseja status bašo savakteskoro thanjaripa. Dujto forma si kana desavo stransko themutno so nane oleskiri them membro an i EU, isi le firma thaj ikavel sertifikati kaj phravela biznis ofiso an i Bugaria.
Trinto varijanta so majbut aplicirinel pe ko agorutne berša , te kerel pe dokumenti kaj si le bugarsko darhinalipa” vakerel o svedoko.
