Ko akava gav an i Vojvodina dživdinen sar jekh 15 nacionalitetoa, džana ko štar khangira, a i škola panda akahrela pe sar “Phralipa – Jekhipa”
Nane i Europakiri Unia odokhare dureste kobor so šaj te dikhol, trubul te avel pe salde an o gav Kucuri, gav trujal i len Vrbas kote gejnela 15 diferentno etnikane nacionalnostia so dživdinen barabutne thaj sar jekh.
Aso o informacia taro Ofiso statistikake, ko agorutni registracia e manušengiri ko gav isi paše 5.000manuša. Majbut olendar si Rusincia, palo olende aven o Srblie, a palo odova si Ungarcia, Crnogorcia, Ukraincoa, Hrvatia, Slovakia, Muslimaniam Roma, Makedoncia, Germancia, Slovencoa, thaj Bunjevcoa, a aso i informacia tari Wikipedia isi asvake so si deklaririme sar Jugoslovenoa.
An o Kucuri o manuša na hulaven pe , nuam sar so notirinen ola si but paše em barabutne kerena buti.
Fakti si kaj isi 19 NGO sar taro sporti dži ki kultura so ko thavdipa saste beršeske si but aktivno.
„Nikana ni jekh nacionaliteto na sine dominatno. Kana resle o Rusincoa ko akava gav angleder 255 berša, akate sine nekobor srpsko famile thaj šelberšenar dživdinena barabutne o Rusincia, Srblie, Ungarcia thaj Germancia so sikljovena sine jekh javerestar. Avdive da si tradicia kana ka dikhe te paše komšia Ungarco te vakere leske “jo reggelt”, a ov mande ka del irame “dobre rano” pi rusko čhib . Taro respekto akate kamel pe lačho dives ki oleskiri čhib” vakerel i Aranak Medžeši presidento an o etno klubi ” Chidime taro bistaripa”.
Ko gav isi štar khangira . O rusincia džana an i grčkokatoličko khangiri, o Srblie an i hristiansko, o Ungarcoa thaj Hrvatia an i katoličko, o Roma an i evangelistikani khangiri .
Si len jekh Ofiso kulturake, so taro starto e beršenske phanle pire kontraktia ko thaj kana šaj te istemalkerel o ofiso te notirinel manifestaciake.
I fundavno škola panda akahrela pe ” Phralipa -Jekhipa”. trujal so sine nekobor droma inicijativa te del pe aver anava e školake, o dgavutne sine kontra taro fakti si adekvatno anav, numa te čhivgja pe desavo anav tari desavi pendžarutni historikani persona so preperela ki desavi notirimi nacia.
