Kana si o pučiba o personalno dikhiba an i konekcia e Referendumeske thaj o dikhiba akale pučipaske, me sem kategorično “Baš o ” soske odova si o nakhtar bašo majlačhe avutnipa. O faktoria si realno..
Lungovakteskoro na arakhiba formula te faisalkerel pe o problemo e anavea, prekal akava modaliteto akana si kerdo kompromisi taro o duj riga. Nane ko “kjari” ni i Makedonia ni i Grcia, a o duj riga si an o “zijano”.
Indirektno i Grcia si an o “zijani” soske del validiteto e makedonikane čhibjake, identiteto, kultura thaj aver, a i Makedonia si an o zijani sebepi o dopheriba e “North”. Numa aver rigatar i Makedonia nane ko “baro zijani” soske oj salde dopherel anavjori ko plo oficialno “anav” e themake numa na trampinel piro identiteti.
Odova sar elaboracia plastikane dikhel pe agjaar – Dživdina an o Skopje adresa sar egzamplo Maršal Tito numero 35, numa i diz Skopje angja dekreto o drom te del pe nevo anav sar Goce Delčev numero 35.
Thaj akana odova si odova, numa me sem palem o Ramusš Muarem, taro isto dat thaj daj, jekh a jekh bianipaskoro identifikaciakoro numero , numa trampibaja o anav e dromeske, ama ki odoja palem teritoria thaj lokacia. Akana sebepi i trampa e dromeskere anaveske ka trubul te trampinav i personalno identifikaciakir karta , pasporto, vordonakoro sertifikato e neve anavea tari adresa em odova si!.
Diferencijaja odolestar i Makedonia pire neve anavea ka ovel la kjari odolea so ka šaj te khuvel an o NATO thaj EU, a odolea te ova realno majlačhi perspektiba e avutne generacienge.
Bizi dar nane te anavkeren amen sar Northmakedoncia. Me sem definitivno “Baš o”
Ramuš Muarem
