41% taro makedonikane dizutne si len purane borčia an o komunalno kreditia thaj renta, dži kote akava procenti an o nivelo taro Europakiri Unia legarela 10% taro dizutne.
Te sine nesave lokhipaste aso akava indeksi e dživdipaskere standardoske si em aso jekh a jekh nivelo e avere paše makedoniake thema , a majšukare siem aso i Grcia. Akava sikavel o majneve informacie taro Eurostat aso i 2016 berš ki paralela ko si kobor borči aso hipoteka, komunalie thaj aver pukjiba renta kote normal pukjinen pe ko masekoskere anuitetia.
Avere lafencar štar taro deš Makedoncia isi asavke napukjime borčia thaj pukjiba an o rate an o 2016 berš a akava an o EU si jekh taro deš manuša. Aso o Eurostat pasše jekvaš taro manuša an i Grcia (47.9 %) si len borčia tari hipoteka, renta . rate komunalie an o 2016 berš.
Paše 1/3 taro dizutne an i Bugaria (34.2%) thaj buteder taro 1/4 % an o Kipar (26.6%) thaj an i Kroatia (26.4%) si len borcia tari akaja forma.
An i Srbia akava procento si 36,7 %. Akala thema ruminen o proseko an i EU soske ko aver agor e niveloske ko jekvash taro 28-to thema membria an i EU salde 10% taro manusha si len problemi te pukjinen pire borcia.
Majtikno o procento ko borcia si notirime an i Holandia 5%, Czehia 4.4% thaj an i Germania 4.2%.
