E Europakoro Parlamenti sine bari debata persi kurko an i konekcia e majnebve anti -romane retorike taro itaiakoro ministeri andrune bukja o Mateo salvini. O ministeri planirinel registracia e Romenge an o thema baši deportacia savoren so nane len dokumentia.
O Salvini sine zorale kritikujme majanglal o deputatia tari Progresivno unia e socialistenge thaj demokratia, hariale thaj aver frakcie ano EP. Suporto oleske sine dendi taro eurodeputatia tari Europakiri nacionalno partia, europakere konzervativcia, reformistia thaj i “personalno” grupa tari Salvini i Europa e naciake thaj tromalipa.
O Italiansko ministeri andrune bukjenge dela propozalo te kerel pe registracia thaj deportacia e Romenge kaskere dokumentia si nevalidno sa dži ko juni. Angleder odova ov kerel sine propozalo thaj argumentia kana na mukhel sine brodi migrantencar te aven an o pristaništia an i Italia te kurtaliren pe buteder migrantoa taro Sredozemno samudra.
.
O Salvini si lideri e ultranacionalistikani partia Liga e Italiakiri so angle sine marginalno partia, numa o resle 12% vota an o mart i Partia kergja piro alusaribaskoro sukceso zorale anti – migrantsko thaj rasistikani retorika.
