An i tetovakiri mahala ko centro e dizjake sisi paše 150 persone kote 90 si čhave. Bisterde taro institucie tari them ola dživdinena ko substandardo šartia , bizo pani, kanalizacia , elektrika
majbaro kotor taro Roma akale mahalake dživdinen an o inprovizirime khera , bizo elementarno faktoria. An i sako rog isi gunoj, čika, panja em javer.
Ko nekobor metria taro khera isi staja so ikeren grasten sar so vakerena odole grastea ikaven mareske.
Ni jekh an i them na avel te pučel sar đivdinaja, aven salde kana isi alusariba . te avel neko tari them jali i komuna te del suporto e manušenge so dživdinena akte. nane higiena , o čhave nasvaljovena thaj inficirinen pe” vakerel i Mustafova.
Ko vakti taro bare panja , sebepi vlaga thaj khand ko jekh kher muli tikni čhaj.
Si li neko taro institucie ka kerel visita thaj ka del suporto e Romenge tari akaja mahala?
O romane političaria keren li lačho dživdipa e Romenge? Si but “si li” numa o pučiba si o Roma ka oven mašineria hangibaske so majodorig ka oven ko margine dživdipaske.
Link: https://civilmedia.mk/zaboravni-od-drzhavata/
You tube: https://www.youtube.com/watch?v=dVChHwHCuZQ
