I Partia Saste emancipaciake e Romenge (PCER) barikadirinel pe aso o aviva taro SRM em o Amdi bajram ab o Govermento , soske sa o “bibahtalipa kerde mujal oleskiri partia našti bistrena”
„O PCER si seriozno partia thaj 10 berša lojalno e SDSM-eske taro biathinalipa e themake dži avdisutno dive, 25 berša si lan i koalicia e SDSM-eske. An o 2011 an o parlamentarno alusariba i partia taro Amdi Bajram olekere membrencar ko dive kana sine moratorium fizički kergja atako e lidere Samka Ibraimovski thaj kergje leske phare ratvarina.
Duj divesa anglal o moratoriumo angje 200 policajcia anglal o štabi taro PCER an o Šuto Orizari soske kosem si o SDSM thaj o PCER hulaven sine rumimo mas.
An o 2011 berš ko korkoro alusaribaskoro dive tari policia sine khedime o šefi e štabeske taro PCER a ko alusariba an o 2014 berš sine atakujmo e štabi taro PCER an o Šuto Orizari thaj na mukhena sine te ovel phravdo bičhavibaja daravina kaj o gazda e lokaleske ka ovel phanlo.
O aktuelno ministeri vash implementacia e Strategiake e Romenge o Aksel Ahmedovski so aplicirngja bašo krisari ko vakti taro VMRO -DPMNE o teganutno vice ministeri baši socijala vakergja leske kaj ka ovel krisari salde te alo an i olengiri partia ” vakeren an i vaktavin o PCER.
Odothar notirinen kaj mangen te ibformirinen sa e Romen thaj aver dizutnen tari Makedonia kaj o PCER na sine pučle dali šaj o SRM te khuvel an i koalicia thaj ola na mangen so avel an i koalicia.
„O PCER ačhol pativalo partneri e SDSM-ea numa o bibahta so kergje o SRM na bistrena. te maren pe mujal partia so kerel sine malverzacie thaj manuš so si le kriminalno dosie , amenge sar partia si apsurdo” vakeren ki vaktavin o PCER.
Link: https://plusinfo.mk/
