Deš thaj duj beršengoro romano čhavo D.B. mulo kana limorengiri ploča ko Špitalsko limoria an o Leskovac peli upral leste.
Taro phare ratvarina o čhavo mulo ko than, a so o informacie taro čhave so sine odothe o šero thaj o trupo e čhaveskoro sine saste gmečime.
Ov dživdinel sine an i romani mahala Podvorce an o Leskovac.
Ov ko odova periodi khelel sine pire phralea bliznako an i škola basketbali thaj kana iranen pe sine nakaj khere nakhle taro o limoria thaj ačhile te pien pani vakeren o Roma taro Podvorce.
Upral o čhavo majpakjavutne peli i ploča soske sine nastabilno thaj upral leste kergja te merel.
Oleske kergje zori te den suporto o amala thaj oleskoro phral bliznako.
Kothan e bibahtake ali i policia kergja opservacia thaj rodaripa akale bibahtake
O Roma tari mahala Podvorce našti pakajana so uli akaja tragedia.
Ko vakti e bibahtake o dat thaj i daj e čhaveskere sine an i buti.
