I diz Skopje avdive parafiringje o Memorandum baši kolaboracia e JP “Komunalna higiena”, i Asociacia baši ikerdo buvljaripa thaj protektiva e dživdipaskere trujalipaske “Go green” thaj i Asociacia Romano Biznis informativno centro an i Makedonia thaj o presidento Zoran Dimov, resarinaja progresia an i kolaboracia ko legariba e reciklažaja.
„Akale Memorandumea phanaja amen sare barabutne te kera aktiviteto thaj kolaboracia an o interes ko lačharipa thaj legaripa e reciklažaja , thaj progresia e centroncar bašo legaripa , selekcia thaj khedipa e plastikake an o nivelo e dizjake Skopje.
Dopherdo ka resel pe formaliziriba e naformalno reciklatorenge thaj olengoro bukjakoro angažmani an o organizaciono sistemi ki reciklaža” vakergja e skopjakoro dizjakoro šerutno Petre Šilegov.
Ov potenciringja kaj ka startujnen taro akava momenti bukjaja soske an o Skopje isi paše 1.400 naformalno reciklatoria. I idesa sar so vakeregja si te čhinavbel pe o rodiba an o kontejneria, a o plastično šišia te kheden len palo khera taro dizutne an o Skopje.
Ka putrel pe thaj trinto pretovarno punkti – centro an o Šuto Orizari. ” Amari agorutni resarin si manginaja an i kolaboracia e Ministeriumea baši sociala akala manuša te oven kotor taro JP “Komunalna Higiena” vakergja o Šilegov.
Ov notiringja kaj prekal akava Memorandumi ka ovel edukacia taro naformalno reciklatoria. Sikavgja pakjiv kaj palo odova ka ovel olen dendo vreke baši reciklaža e dizutnenge kote ka šaj te selektirinen i plastika thaj ka mukhen len anglal olengere khera jali sar so vakergja ka ovel jekh forma manuša reciklatoria so ka aven ki olende ko khera te len len.
Ola udžaren asavki forma khediba te startujnel an o Skopje bašo jekh masek. O leiba e vrekengje ka kaerel pe mehaničko ko khera e dizutnenge, a ka istemalkerel pe thaj kotor tari i infrastruktura taro JP “Komunalna Higiena”
O persone ka oven unifromirime thaj nane te ovel olen akaneske desave personalno danokia mujal i diz Skopje.
