I Bosna thaj Hercegovina kerel buti te sikaven e Romen kaj na tromala te keren bizniso e manušencar thaj pe čhavencar.Kontra odoleske ka trubul te oven krisime aknglal o Krisia notirinel o psihologo Jasmina Dizadrevic An i Romani tradicia an i lumia thaj ko jekh thaj an i BiH si kote olengere murshe chavenge kinena bojra so pukjinen olen nekobor milje euroncar. Odova sar so vakeren o strcnjakia majbut preperel sar pharo krisoskoro akti kinobikiniba manushencar kote ko Kanoni an o Kriso an i BiH shaj te dal pe ko phanlipa minimum 5 bersha thaj maksimum, savakteskoro phanlipa.
Te del pe bakšiši bori taro jeriam dži kote i bori si pherde beršencar thaj oj mangel te ovel prandimi odova si lačhe, numa problemi si kote dikhena o ekspertia kaj ko Roma majbut prandinen pe tikneberšengere thaj o jeria olen ni na pučena.
Prekal oficialno informacie an o BiH berša napalal si notirime 80 asavke čipote kote kinobikinena e romane čhaven. Odova numero šaj si majbaro da kana kerel pe lafi soske but hari si opservirime akava problemi tari them.
Agorutni čipota asavki si notirime bikinibaja romani čhaj ko oktomvri 2014 berš kote romani familia taro Goražde pe čhaveske kingja bori taro Saraevo bašo 5.000 eura.
Ola vakeren kaj akava akti si tradicionalno.
– Odova segmento tari tradicia ko Roma trubul te krisinel pe vakerel o psihologo Dizdarevič. Odova si jekh forma taro psihološko terori. Nikaste nae le niami te bikinel manuše. I profesorka Dizdarevič vakerel kaj i them trubul te respektirinel i tradicia e Romengiri, numa kana si tardicia negativno konotaciaja e čhaveske i them trubul te krisinel akala aktia thaj te čhinavel olen. O kinobikiniba džuvlencar so si tikneberšengere aso olate si pharo phagiba manušikane hakoa.
