Arakhle sa majbare niveloa taro manuša so mangen devlenge ko droma taro Salzburg, e dizjakoro legaripa angje decizia te havljaren specialno “Bonton kodekso”
O legaripa e manušenge so mangen devlenge ko droma isi 16 nukte an i germansko, romansko, ungarsko, bugarsko thaj romani čhib, isi thaj ilustracie sa okola so si analfabetia jali na haven ni jekh taro čhibja so si transalirime.
O vicemajoro e dizjake Anja Hagenauer promoviringja o kodekso sar trubul te oven o manuša so mangen devlenge ko buteder čhibja ilustraciencar so si o obligacie thaj so te keren o manuša so mangen devlenge. O kodeksi si le 16 nukte.
Ko kodeski maškar o javer na mukhela te mangel pe devlenge čhavencar ko vasta ko dukjania thaj anglal o udara e kherenge. Mukhle si salde “tromale” te mangen devlenge thaj te istemalkeren thaj o javno toaletia. Akava Kodeski trubul te lokharel i buti tari policia thaj savore okola revoltirime dizutne so si mujal o baro numero manuša so mangen devlenge ko droma taro Salzburg.
Ko jekh i Hagenauer havljargja kaj ka phraven pe aprtmania kote ka šaj te rakjaren, thaj te oven odothe pobuter kurke. Šaj te del pe lenge fundavno medicinsko suporto, thaj ka kerel pe specialno ofiso so ka kerel faisali kana isi desavo konflikto maškar desavo dizutno thaj manuš so mabngela devlenge kote šaj te džan o duj da riga.
