Ko jekh momenti o nekanutno amerikansko presidento Džon F.Kenedi vakergja: ” Amen trubul te kera sa so šaj te da o majšukar olengere edukaciake thaj socialno edukaciaamare čhavenge – soske ola si terne, lideria e avutnipaske”
O Roma an i Republika Makedonia beršencar palo olakoro korkorutnipa -nezavisnot sine sikavdi taro pobuter partie. O Romane politikane partie si sikavde sar etnikane bazirime partie so trubul te keren buti ko ineteres e etnikane jekhinake – romano elektorati kaske si ola sar olengoro hango. O pluralistikano sistemo an i Republika Makedonia ko berša so nakhle del suporto e romane liderenge te keren praktika ple demokratikane džanlipaske an o politikakoro stejdži a i nacia alusarela ko ka ovel odova so ka kerel rodaripa ko olengoro anav.
O terne Roma si limitirime an o olengoro politikano aktiviteti thaj buti sebepi partiakoro nainteresi bašo nevikeriba thaj regeneracia e politikane kapaciteteske. O Romane politikane partie keren kontrola upral o ambicie taro terne Roma so trubul te len i rolja lideria an i Republika Makedonia.
O aktia taro Ohridsko Kontraktno namangel dengej “dekreto – sertifikati” e romane politikane partienge te legaren o kapacitetia thaj te oven majbare ” agencia bukjake” ko terne perspektivno Roma.
Odolea o Romane politikane partie čhiven ki buti e terne Romen so valjani te oven gogjaver thaj te šunen e lidere e partijakoro so čhivgja olen ki buti.
Sebepi i dar taro 29,9% bibukjarnipa an i them , o terne Roma akceptirinen i buti so dena len o partie te khuven ki buti sar themakiri administracia , ama odoleske valjani te prastan ko angloalusaribaskere kampanje e partiake.
I kreativnost thaj i inventivnost e Romane partiengoro kerel o lideri, o koaliciono partneri taro o bare partie so vakerel ko ka ovel lideri an i Romani parti, o koaliciono interesia thaj prioritetia vakerel o lideri taro majbare naromane partie. Tegani o terne Roma ko ternengere organizacie si sar mehanizmi bašo kampanje thaj generatori hangonge bašo romane politikane partie pakjajbaja bašo bukjarno than.
O tradicionalno lidesrvo ko romane politikane partie an i them kerela monopol taro hangutne so den plo hango soske trubul agjaar, ana kaj ola mangena. Taro biathinalipa e themake o romane partie “sukcesialo” kergje koalicie e bare partiencar a sako drom akana anen pe sine decizie, olen niko na pučela sine. Beršencar bajrona sine o kapacitetia sar neve partie numa ola da den sine odova rezultati.
P terne lideria nane len šajdipa te dikhen šukare egzamplia – primeria an i relacia tari politika thaj te haven majšukar i kauza e Romane politikake sar šerutni poenta. O Romane politikane partie bistren e akademien sar potencialno generatori e neve liderenge ko partie, kote o terne Roma ka ovel len šajdipa te keren praktika e demokratsko kapacitetenge, te keren debate e politikane programenge, te keren presia ko aniba decizie thaj dekretia ko majučo nivelothaj sa odova te sikaven an i jekh transparentno forma. Tegani o romane politikane partie ka investirinen ko sukceso taro oleneger partie o kvantiteti e bukjake ka hulavel pe maškar o terne Roma thaj ka kerel pe majbaro progreso e politikane kulturake.
